F’Ġunju li għadda, l-għadd ta’ persuni, li mhumiex f’impjieg, kienu jgħoddu għal 3.1 fil-mija. Dan ħareġ minn ċifri maħruġin mill-Uffiċċju Nazzjonali tal-Istatistika, l-NSO, li wera li din ir-rata esperjenzat tnaqqis ta’ żero punt wieħed fil-mija meta mqabbel max-xahar ta’ Mejju.
L-irġiel li mhux f’impjieg laħħqu t-3.6 fil-mija, filwaqt li r-rata għan-nisa kienet taʼ 2.4 fil-mija, wara tnaqqis taʼ 0.1 punt perċentwali fuq xahar qabel. Dawn jinkludu wkoll lil dawk li mhux qed ifittxu xi forma ta’ mpjieg.
REKLAM
SKROLLJA BIEX TKOMPLI
Fost dawk li qed ifittxu mpjieg u allura rreġistrati mal-entità JobsPlus għal dan il-għan, l-ammont baqa’ fost l-inqas livelli fl-istorja lokali, jiġifieri taħt l-elf persuna, li hi wkoll waħda mill-inqas rati fl-Unjoni Ewropea kollha.
