Xena tipika waqt ħin l-ikel (jekk għad hemm il-lussu li familja tiekol flimkien). Kulħadd għal rasu, min jara t-televiżjoni, min jilgħab bit-tablet, min għaddejn fuq il-mobile.
Xenarju li tixtieq tbiddlu Daniela Farrugia Camoin, il-fundattriċi ta’ Happy Parent.
Daniela għandha kwalifiki fuq livell ta’ Baċċellerat u Masters fil- Youth and Community Studies (Malta), Diploma f’ Personal Performance Coaching, hija iċċertifikata bħala Reality Therapist u akreditata bħala edukatur fil-qasam tal- Mindfulness u Psikoterapista tal- Gestalt.
Minkejja l-ħafna kwalifiċi, tkellimna magħha fuq kunċett sempliċi imma innovattiv li rnexxilha toħloq: 101 Table Conversation Starters.
Huwa pakkett li fih wieħed isib erbgħa karti li għadhom vojta biex b’hekk kull familja tista’ toħloq tagħha u tikteb fuqhom dak li tixtieq b’marker, biex b’hekk ikunu iktar personalizzati. Dawn il-karti u l-pakkett kollu kemm hu jistgħu jintużaw f’okkażżjonijiet differenti, mhux biss waqt il-ħin tal-ikel. L-għan hu li jinħoloq ħin jew mument fejn bħala familja tkunu tistgħu tqattgħu ftit ħin flimkien u wara kollox titgħallmu fuq xulxin u dawn il-karti jistgħu propju joffru dan.
Daniela ħadmet ma tfal, żgħażagħ u ġenituri f’diversi oqsma għal snin twal fejn gwidat u ħeġġet favur żvillup għal potenzjal veru u utli ta’ dak li jkun. U riżultat ta’ din l-esperjenza, Daniela ġġib l-ispirazzjoni tagħħa biex tibqa toħloq iktar konessjoni mat-tfal u mal-ġenituri fuq l-istess livell.
“Bħala ġenitur l-aktar attivita’ li nħobb nagħmel hi li nsajjar għall-familja tiegħi. Nagħmel dan b’imħabba speċjali u b’sens ta’ kuntentizza speċjalment meta fuq il-mejda nipreżenta ikliet tajbin, imma aktar min hekk ikun mill-qalb. Apparti li nieklu flimkien, napprezza wisq il-ħin li bħala familja nkunu lkoll miġburin madwar il-mejda ta’ l-ikel; dik il-konessjoni li tiġborna flimkien għal ftit minuti fejn ngħidu kelma, nidħku daħka jew naqsmu dak li nkunu għaddejna minnu matul-ġurnata. Inħoss li dan hu l-uniku ħin fejn il-familja moderna tista’ tkun flimkien fil-preżenza ta’ xulxin, għax il-bqija tal-ħin tal-ġurnata saret ġirja waħda minn kmieni filgħodu sa tard bil-lejl”.
Saqsejna kif nibtet l-idea tal-101 Table Conversation Starters.
“Biex niġbor il-familji flimkien – u biex b’hekk ikun hemm skuża li l-ħin ta’ waqt l-ikel jitwal u il-kwalita’ ta’ l-istess hin tkun aħjar. Sforz ta’ dan il-ħin l-ikel ma’jibqax biss maratona ta’ min se jiekol l-ikel l-ewwel u jerġa jirritorna għal dak kollu li jingaġġana matul il-bqija tal-ġurnata bħal xi xogħol tad-dar jew ta’ l-iskola, televixin, xi ktieb jew xi gadget eċċ”.
Żiedet tgħid li tiltaqa’ ma’ ħafna ġenituri li jaqblu magħha u jaħsbu li l-ħajja sarret wisq mgħaġġla.
“Bla dubju qiegħed jibqalna wisq ftit ħin biex inqattgħu ħin memorabli u mhux biss mal-membri tal-familja tagħna biss, iżda anki mal-ħbieb, mal-kollegi jew magħna nfusna. Mhux dejjem inkunu konxji ta’ dan imma dik hi r-realtà”.
Daniela qalet li meta kienet qed taħdem fuq proġetti mat-tfal, dejjem rat kif tuża xi ftit mill-mistoqsijiet jew frażijiet mill-conversation starters li ħolqt biex tikrea spazzju fejn it-tfal jistgħu jiffokaw aktar u jħallu warajhom xi ħsibijiet li kellhom matul il-ġurnata.
“Din is-sistema taħdem u mhux biss mat-tfal, iżda anki ma’ l-adulti!”stqarret magħna, filwaqt li qalet kemm huwa importanti li jinħoloq element ta’ komunikazzjoni, li temmen li hija “xi ħaġa imprezzabli”.
