Wara li fl-aħħar jiem saret il-Laqgħa Ġenerali Annwali ta’ Gżira United b’Sharlon Pace mill-ġdid ġie konfermat bħala President, jidher li numru ta’ plejers se jkunu qedin jħallu lill-klabb sabiex jiġi osservat il-pjan li se jkun qed jaddotta l-klabb, jiġifieri li jibqa kompetittiv madankollu kawt iżjed f’dik li hija nefqa annwali.
Fost il-plejers li b’kull probabilita jħallu lill-klabb fil-ħin li ġej insibu lill-midfielder internazzjonali Malti Nikolai Muscat kif ukoll l-plejer Kroat Toni Kolega.
Minn informazzjoni li din il-paġna għanda, Nikki Muscat jinsab f’diskussjonijiet ma’ Marsaxlokk FC u għalkemm dan mhuwiex l-uniku klabb li tkellem ma’ Muscat, b’kull probabilita d-destinazzjoni tal-plejer ħa tkun Marsaxlokk FC.
Fil-plejer offensiv Toni Kolega hemm interessati Floriana FC madanakollu d-diskussjonijiet għadhom għaddejjin bejn iż-żewġ partijiet.
Nifhmu li Muscat u Kolega għandhom il-barka tat-tmexxija tal-klabb sabiex huma jiġu trasferiti.
