Wara xhur ta’ għidut u spekulazzjonijiet, l-attriċi ta’ Bollywood Priyanka Chopra u l-kantant Nick Jonas tgħarrsu f’ċerimonja Indjana li ssir qabel iż-żwieġ li tissejjaħ, roka.
Illejla issa mistenni jsir festin kbir fejn Nick jiltaqa’ mal-ħbieb u l-kollegi ta’ Priyanka.
Il-ġenituri ta’ Nick Jonas jinsabu wkoll hemm għal din iċ-ċerimonja flimkien mal-familja Chopra. Sors qrib tas-sit indianexpress.com żvela li l-familja Chopra ħalset għal 200 kamra f’lukanda għall-mistednin, li bosta minnom se jkunu ġejjin mill-Istati Uniti.
Nick Jonas hu famuż għas-sehem tiegħu fil-kant, b’mod partikolari meta kien jagħmel parti mill-grupp mużikali Jonas Brothers flimkien ma’ ħuh Joe Jonas u Kevin Jonas. Wara snin ta’ albums u kanzunetti, l-aħwa ddeċidew li jinfirdu u jkomplu fuq il-karriera tagħhom b’mod separat.
Intant Nick tella’ ritratt fuq Instagram biex iħabbar b’mod uffiċjali l-pass fir-relazzjoni tiegħu tal-futura martu.
