L-avventura l-ġdida ta’ HazZzard ser tirritorna bl-għaxar edizzjoni minn nhar it-Tnejn 26 ta’ Settembru, fit-20:35 fuq ONE.
Kull destinazzjoni għandha l-awtentiċita’ u s-sbuħija tagħha. Bħall-edizzjonijiet preċedenti, din is-sena HazZzard għażel destinazzjoni mill-isbaħ u ser jieħu lill-parteċipanti fl-isbaħ postijiet ta’ din id-destinazzjoni. It-telespettaturi tal-programm jistgħu jgħixu dan il-vjaġġ u jpaxxu lill-għajnejhom b’xenarji panoramiċi u spettakolari.
Din is-sena, is-segwaċi ser igawdu sett mill-isbaħ, mimli kuluri, magħmul b’sengħa kbira, u impingi bl-idejn, li jikkumplimenta x-xenarji mill-isbaħ li toffri d-destinazzjoni.
Din is-sena wkoll waqt il-programm it-telespettaturi ser jisimgħu muzika oriġinali li ġiet komposta minn Frederick Camilleri u arranġament ta’ Augusto Cardinali.
L-għażla tal-parteċipanti hija parti importanti ħafna fil-programm. L-għan ewlieni hu li jintagħżlu nies minn kull stil ta’ ħajja u li ma jiddejqux juru l-karattru taghhom. Ta’ min wieħed jinnota li l-parteċipanti ma’ jkunux iltaqgħu flimkien qabel il-bidu tal-avventura.
HazZzard l-ghaxar edizzjoni, jibda t-Tnejn fit-20:35 fuq ONE.
Hawn tista’ tara l-ftuħ uffiċjali ta’ din is-sena:
