Is-Sibt, 20, u l-Ħadd, 21, ta April, Island Karting Club u Karting Club Malta, flimkien mal-Malta Motorsport Federation, qed jorganizzaw t-tielet rawnd tal-Kampjonat Nazzjonali tal-Karting għal din is-sena, fil-korsa La Reve f’Ħal Far. Is-Sibt, huwa ddedikat għall-klassijiet ta l-iżgħar sewwieqa. It-tiġrijiet fil-kategoriji li ġejjin jibdew fl-10:00 b’sessjoni ta’ taħriġ ta’ 10 minuti; dawn il-klassijiet huma Rotax Micro, Mini Gr3, u X30 Iame Junior 125cc. 11:09, tellieqa għall-pole position; f’12:28 u 15:08, pre-final u finali, rispettivament.
Is-sewwieqa adulti se jiddebuttaw il-Ħadd fid-09:45 fil-klassijiet li ġejjin: Iame X30 Masters, Vortex Senior/Master, Rotax, u Iame X30. Il-pole position tibda fl-10:45, il-pre-finali f’nofsinhar u l-finali fl-14:25.
L-avveniment se jkun b’xejn għall-pubbliku, avveniment għall-familja kollha li żgur jintgħoġob minn tfal ta’ kull età.
