Netflix b’investiment ta’ $2.5 biljun f’films u serje maħduma fil-Korea ta’ Isfel

Netflix qal li se jkun qed jinvesti aktar minn żewġ biljun dollaru fil-Korea ta’ Isfel biex jinħoloq aktar kontenut matul l-erba’ snin li ġejjin.

Il-Kap Eżekuttiv ta’ Netflix, Ted Sarandos, ħabbar dan wara li ltaqa’ mal-President tal-Korea ta’ Isfel, Yoon Suk-yeol, f’Washington.

Yoon preżentament jinsab fuq żjara statali fl-Istati Uniti fejn hu mistenni jiltaqa’ mal-President Joe Biden.

Netflix ra suċċessi bi produzzjonijiet Koreani, fosthom suċċess mill-akbar bis-serje televiżiva Squid Game.

Ritratt: Reuters