Naxxar Lions għelbu lil Melita bl-iskor ta’ 3-0, b’din ir-rebħa li kienet it-tieni waħda staġjonali għalihom tista’ titqies bħala waħda meritata. Dan mingħajr wieħed ma jneħħi xejn mill-mertu ta’ Melita li offrew opoożizzjoni denja lin-Naxxarin tul il-partita speċjalment fl-ewwel taqsima, fejn fallew ukoll penalty.
Naxxar Lions fetħu l-iskor proprju fl-ewwel periklu li ħolqu fis-sitt minta meta xutt ta’ Fernando Barbosa ġie devjat għal għand NIKOLAI MICALLEF li b’opportuniżmu liema bħalu minn taħt il-lasta tefa’ ġewwa.
Melita wieġbu mal-kwarta logħob meta xutt minn pożizzjoni ideali ta’ Andre Carlos għadda ftit barra.
Fis-17-il minuta Edson Farias Cerqueira għal Naxxar indirizza cross fid-direzzjoni ta’ Barbosa li wasal ftit tard fuq il-ballun u kellu d-daqqa ta’ ras tiegħu tintemm ftit barra.
Huma komplew jattakkaw u sekondi biss wara, xutt b’saħħtu tal-Ġamajkan Degran Jackson ħareġ l-aħjar tal-goalkeeper ta’ Melita Gosef Mizzi li salva bi bravura.
Melita reġgħu ħolqu l-periklu fit-18-il minuta meta Andre Carlos kellu x-xutt tiegħu salvat parzjalment mill-goalkeeper ta’ Naxxar, Matthias Debono, biex mir-rebound Yepes ra lil Debono iwettaq save stupend.
Fil-21 minuta Bondin għal Melita kellu x-xutt tiegħu indirizzat lejn is-saqaf tax-xibka imdawwar f’corner minn Debono.
Minuta biss wara huma rebħu penalty meta Degran Jackson waqqa’ lil Andre Carlos fil-kaxxa. Mill-11-il metru inkariga ruħu l-istess Andre Carlos li żelaq u kellu t-tentattiv tiegħu jistampa mal-mimduda.
Fis-26 minuta freekick ċentrali ta’ Caxambu għal Naxxar gie salvat minn Mizzi u minuta wara Kayne Haber għal Naxxar kellu t-tentattiv tiegħu jistampa mal-wieqfa.
Fit-58 minuta, kienu Melita li kienu perikolużi meta semi-rovexxjata ta’ Andre Carlos għaddiet ftit barra.
Naxxar wieġbu fil-61 minuta meta Degran Jackson xeħet cross fit-tul lejn Edson Farias Cerqueira ili iżda kellu d-daqqa ta’ ras tiegħu minn taħt il-lasta tintemm ftit barra.
Fis-66 minuta Naxxar rebħu penalty meta Gosef Mizzi waqqa’ lil Feranndo Barbosa fil-kaxxa. Mill-11-il metru inkariga ruħu CAXAMBU li spara l-ballun fi-saqaf tax-xibka, b’dan ikun it-tielet goal tiegħu matul dan l-istaġun.
Huma ssiġillaw ir-rebħa permezz tat-tielet goal fis-86 minuta meta Neil Pace Cocks kellu x-xutt tieghu devjat għal ġewwa minn Henrique Motta biex b’hekk irriżulta auto-goal sfortunat.
Referee: Philip Farrugia
Plejer tal-
