L-avventura ta’ Nuseir Yassin, magħruf aħjar bħala, Nas Daily, ser tispiċċa hawn hekk kif ftit tal-ħin ilu l-vidjografu tefa’ l-1000 filmat tiegħu fuq is-sit soċjali ta’ Facebook.
Emozzjonat spjega kif għal dawn l-aħħar elf ġurnata tella’ filmat, kuljum fuq il-midja soċjali. Vidjows li ispiraw eluf b’messaġġi pożittivi, mimlijin motivazzjoni.
Yassin għażel li jiċċelebra din il-ġurnata proprju f’pajjiżna għax ħass li Malta hu fost l-aqwa pajjiżi li żar biex isir dan l-avveniment hekk kif Malta hi mżewqa minn kollox.
Minn hawn u ftit tal-ħin ieħor, ġewwa Dar il-Mediterran tal-Konferenzi ser tibda ċ-ċelebrazzjoni organizzata minn Nas Daily sabiex jiċċelebra l-elf ġurnata tiegħu jdur madwar id-dinja.
Din iċ-ċelebrazzjoni ġiet akkumpanjata mill-orkestra filarmonika ta’ Malta.
