Nas Daily, magħruf ukoll bl-isem ta’ Nuseir Yassin, ħabbar permezz ta’ avveniment fuq Facebook li se jkun qed itella’ avveniment fil-5 ta’ Jannar proprju f’Malta.
Dan hekk kif proprju fil -5 ta’ Jannar Nas Daily se jkun qed jiċċelebra l-1000 filmat li jagħmel ta’ kuljum fejn b’dan il-filmat se jkun qed jagħlaq din l-avventura tiegħu.
Għalkemm mhux se jkun qed jibqa’ jagħmel filmat kuljum, f’filmati oħrajn Nas Daily kien spjega kif jixtieq li jiffoka fuq affarijiet ohra li xorta jinkludu filmati fuq suġġetti diversi iżda mhux ta’ kuljum.
Spjega kif għażel lil Malta għax ħass li Malta hu fost l-aqwa pajjiżi li żar biex isir dan l-avveniment hekk kif Malta hi mżewqa minn kollox.
Minn ikel, għal temp u kif ukoll in-nies. Għalekk hu qed iħeġġeġ lil kulħadd biex fil-5 ta’ Jannar dawk kollha interessati għandhom jibghatu d-dettalji taghhom sabiex jirriservaw siggu.
L-avveniment se jkun qed ikollu orkestra, ‘meet and greet’ u se tkun qed issir fl-MCC mit-15.00 ‘il quddiem.
