Nadur Youngsters huma ċ-Champions tal-Kampjonat BOV GFA tal-ewwel diviżjoni għall-15-il darba fl-istorja tagħhom.
Nadur u Qala Saints waslu għall-aħħar ġurnata tal-kampjonat b’punti indaqs iżda n-Nadur għelbu lil SK Victoria Wanderers 4-0 filwaqt li Qala Saints waqqgħu il-punti fid-draw ta’ 0-0 tagħhom kontra Oratory Youths bin-Nadur jagħlqu l-kampjonat fil-quċċata.
REKLAM
SKROLLJA BIEX TKOMPLI
Dan huwa r-raba’ titlu konsekuttiv għall-iktar klabb ta’ suċċess fil-Futbol Għawdxi li ilhom champions mill-istaġun 2019/2020 fejn l-istaġun 2020/2021 kellu jiġi abbandunat minħabba l-pandemija.
Il-President tal-GFA Samuel Azzopardi u l-Maniġer tal-Fergħa ta’ Għawdex tal-Bank of Valletta Charmaine Borg ippreżentaw it-trofew tal-Kampjonat BOV GFA tal-Ewwel Diviżjoni liċ-Champions.
