Numru ta’ klabbs Għawdxin qed jkomplu juru interess sabiex jipparteċipaw b’sħih fil-Kampjonati Maltin. Jiżdiedu mal-lista issa insibu lil Nadur Youngsters li jidher li se jimxu fuq il-passi ta’ Victoria Hotspurs u japplikaw b’mod uffiċjali sabiex jibdew jipparteċipaw fl-Amateur League possibilment mill-istaġun 2025 / 2026.
Min informazzjoni li għanda din il-paġna, l-President tal-klabb ta’ Nadur Chris Said flimkien mal-kumplament tal-kumitat qablu li għandhom jagħmlu l-pass li jmiss u tissejjaħ Laqgħa Ġenerali Straordinarja sabiex din l-idea tiġi approvata mill-membri qabel jimbdew l-passi uffiċjali. Fis-sigħat li għaddew inżammet laqgħa tal-kumitat li kienet Preseduta mill-stess President Said fejn jidher li l-membri qablu li kien wasal iż-żmien u Nadur jibdew jieħdu sehem f’Kampjonati meqjusa xi ftit jew wisq aħjar minn dak Għawdxi.
Ġaladarba jkun hemm il-barka tal-membri, Nadur Youngsters mistennija li uffiċjalment jiktbu lill-GFA u sussegwentament lill-MFA sabiex jibdew il-proċeduri biex huma jitħallew jikkompetti fl-Amateur League minn Settembru 2025.
Mhux eskluż li aktar klabbs Għawdxin jimxu fuq il-passi ta’ Victoria Hotspurs u possibilment anke Nadur Youngsters fil-ġimgħat li ġejjin.
