Murtali kkuluriti jdawlu s-smewwiet f’Wied il-Għajn

Ilbieraħ filgħaxija, għexieren ta’ murtali kkuluriti dawlu s-smewwiet f’Wied il-Għajn, bħala parti mill-Festival Internazzjonali tal-Logħob tan-Nar.
L-edizzjoni ta’ din is-sena tkompli nhar il-Ġimgħa, 29 ta’ April, fl-Imqabba.
Il-qofol tal-Festival jintlaħaq fil-Port il-Kbir u anki fil-Furjana nhar is-Sibt, 30 t’April.
Ritratti mibgħuta mill-Awtorità Maltija tat-Turiżmu juru wħud mill-isbaħ murtali li mlew is-smewwiet bil-kulur ilbieraħ filgħaxija.