Avukat li ħa l-Qorti mara li mmalafamatu b’messaġġ fuq il-mobile ra ġustizzja miegħu wara li l-Qorti mmultat lill-mara ħames t’elef ewro.
Il-mara, ta’ tnejn u tletin sena miż-Żebbuġ Għawdex instabet ħatja li b’dak li kitbet telfet ġieh l-avukat Kevin Mompalao.
Il-każ imur lura għal Marzu ta’ din is-sena u l-kumpanija li tipprovdi s-servizz tal-mobile ikkonfermat li l-messaġġ intbagħat minn numru tagħha.
Il-Qorti għamlitha ċara li mhix se tippermetti uffiċjali tal-qorti jkunu mżebbilħa u qalet ukoll li l-mezzi ta’ komunikazzjoni għandhom jintużaw b’responsabbiltà
