Jose Mourinho beda b’rebħa fil-Premier League wara li Manchester United għelbu lil Bournemouth bl-iskor ta’ 3-1. Juan Mata fetaħ l-iskor wara żewġ żbalji ta’ Simon Francis. Wayne Rooney skurja t-tieni gowl b’daqqa ta’ ras, b’Zlatan Ibrahimovic jiskorja t-tielet u l-ewwel gowl personali tiegħu mar-Red Devils. Adam Smith skurja gowl ta’ konsolazzjoni għaċ-Cherries.
Fl-ewwel partita tagħhom għal dan l-istaġun, il-United kienu mingħajr Paul Pogba, l-aħħar akkwist wara sospensjoni ta’ partit waħda li ġarr miegħu mingħand Juventus.
