Il-korsa tal-Imġarr, fejn saret it-tieni tellieqa taċ- Cisk 0.0 National Point Cross Country Series għamlet ritorn wara nuqqas ta’sentejn.
Il-korsa, li hija esposta għall-elementi, hija meqjusa bħala waħda mill-aktar rottot diffiċli tas-Serje, iżda laqgħet numru sabiħ ta’parteċipanti għat-tieni stadju tas-Serje l-Ħadd filgħodu.
Luke Borg (The Cyclist) kompla jasserixxi l-pożizzjoni tiegħu bħala wieħed mill-aqwa rikkieba ta’ Malta hekk kif ħa postu fuq quddiem tal-grupp Elite mill-bidu sal-aħħar. Wara Borg kien Jason Vella (Agones SFC), li żamm it-tieni post tiegħu matul is-seba’ dawriet tal-korsa Elite. Il-post għat-tielet podju kien missielet Clyve Chetcuti u Andrew Caruana, it-tnejn mill-Mosta Cycling Club. Fl-aħħar kien Chetcuti li tefa’ lil Caruana fit-tielet post.
Ir-reġina indiskutibbli tal-mountain biking Malti, Marie Claire Aquilina (Team Greens), rat il-ġirja tagħha mingħajr telfa ta’ħafna snin tispiċċa fl-Imġarr meta Lara Buttigieg (The Cyclist) kisbet l-ewwel rebħa tagħha fin-National Points Series. Buttigieg ħadet pożizzjoni determinata biex għelbet lill Aquilina u Diana Muscat (Team Greens) li kienu warajha.
Sa tmiem it-tieni dawra, Muscat kienet qabzet lil Aquilina biex spiċċa fit-tieni post qabel Aquilina.
Fil-Kategorija Sport, l-Għawdxin Darren Sultana u Josmar Vella (D Sports Club) spiċċaw fl-ewwel u t-tieni post rispettivament, b’Robert Grech itemm il-podju tal-Kategorija. Fil-podju ta’ 40+, Alex Portelli (BRC Solar Solutions) kellu jissielet it-tentattivi qawwija ta’ Stephen Grima (D Sports Lab) biex ħa r-rebħa b’distakk ta’ sitt sekondi. It-tielet post spiċċa għal Joaquin Rojas. Enrico Brandamante (Agones SFC) rebaħ il-kategorija 50+, segwit minn Carmelo Abela (BRC Solar Solutions) u Ethan Salter.
Il-Kategoriji Żgħażagħ u Junior raw parteċipazzjoni tajba. Matthew Galea (Gozo Cycling Club) ħa l-ogħla unuri fit-tellieqa ta’ taħt id-19-il sena. It-tellieqa ta’ taħt is-17-il sena intrebħet minn Ryan Gatt (The Cyclist) segwit minn Nathan Goodhand u James Vassallo. Il-podju tal-Under 15 (Subien) kien magħmul minn sewwieqa ta’ Shamrock Stars, immexxija minn Liam Daly u segwit minn Neil Cassar u Julian Bugeja. Nina Debono Curmi (Shamrock Stars) ħadet ir-rebħa għall-kategorija tal-Bniet. Il-podju tas-Subien taħt it-12-il sena kien magħmul minn Jake Said, Oliver Buccheri u Jurgen Mercieca filwaqt li l-podju tal-Bniet ra lil Kim Micallef Cann tieħu r-rebħa segwita minn Michaela Ann Spiteri u Mickaya Fava.
Is-Serje ta’ Punti Nazzjonali Cisk 0.0 XC hija sponsorjata mill-birra mingħajr alkoħol Cisk 0.0, Gatorade, u San Michel u hija appoġġjata minn IDMatch Bike Lab.
It-tielet tiġrija taċ-Cisk 0.0 XC National Points Series se ssir il-Ħadd 19 ta’ Marzu f’Ta’ Cenc f’Għawdex.
Ir-Reġistrazzjoni u l-Informazzjoni tat-Tlielaq jinstabu fuq https://www.maltamountainbike.org.mt
Intant, l-Assoċjazzjoni ħabbret ukoll il-parteċipazzjoni tagħha fil-kompetizzjoni Verona MTB International il-ġimgħa d-dieħla. Malta se tkun rappreżentata minn tim ta’ żgħażagħ, kollha taħt il-25 sena, magħmul minn Luke Borg, Clyve Chetcuti, Stefan Scerri u Brandon Sultana. Huma se jkunu akkumpanjati mill-uffiċjali tal-Assoċjazzjoni Mark Bonnici u Maurice Formosa. Il-parteċipazzjoni ta’ Malta saret possibbli permezz tal-appoġġ ta’ SportMalta u l-Malta Mountain Bike Association.
Photos Credit: Kieran Borg
