Nhar il-Ħadd li ġej, it-team nazzjonali tal-Mountain Bikes se jkun l-Italja sabiex jieħu sehem fil-Verona MTB International.
It-team malti se jkun kompost minn Luke Borg, Clyve Chetcuti, Stefan Scerri u Brandon Sultana.
REKLAM
SKROLLJA BIEX TKOMPLI
Jiffurmaw parti mill-kontinġent malti se jkun hemm ukoll l-uffiċjali tal-Assoċjazzjoni Mountain Bikes Mark Bonnici u Maurice Formosa.
Fil-Verona MTB International se jkun hemm fost oħrajn is-sewwieq taljan Luca Braidot, rebbieħ ta’ żewġ tiġrijiet tal-XC World Cup is-sena li għaddiet.
