Mosta ħasdu lil Hamrun Spartans meta għelbuhom bl-iskor ta’ 2-1.
Kienu l-Ispartans li kellhom l-ewwel tentattiv lejn il-lasta fit-tielet minuta meta Ryan Camenzuli ttestja lil Akpan permezz ta’ cross-shot mix-xellugi. Ħames minuti wara, Joshua Agyemang għal Mosta kellu cross-shot mix-xellug salvat mill-goalkeeper ta’ Hamrun, Celio. Fit-12-il minuta Elionay Freitas Da Silva ikkonkluda azzjoni personali għal Hamrun permezz ta’ xutt fil-baxx minn tarf il-kaxxa li ġie salvat minn Akpan.
Hamrun fetħu l-iskor minuta biss wara meta Elionay għadda tajjeb lejn TALISON permezz ta’ through pass intelliġenti b’dan idur mal-goalkeeper Akpan u jitfa’ l-ballun fix-xibka. Mosta wieġbu permezz ta’ xutt ta’ Nathan Agius li ntemm barra fl-14-il minuta.
Madankolu, tliet minuti biss wara huma ġabu iskor indaqs meta Giancarlo Goncalves interċetta back-pass erratiku ta’ difernsur ta’ Hamrun fuq ix-xellug u xeħet cross lejn SUNDAY OKEREKE li tefa’ l-ballun wra Celio.
Il-Blues reġgħu ħolqu l-periklu fil-31 miuta permezz ta’ xutt ta’ Okereke minn ġewwa l-kaxxa li ġie mdawwar f’corner minn Celio.
It-tieni taqsima bdiet b’Mosta jilagħbu b’10 players hekk kif is-sostituzzjoni ta’ Nathan Agius ma’ Sean Cipriott ma saritx qabel il-bidu mill-ġdid tal-logħba. Cipritt evenetwalment daħal fil-pitch iżda kien sfortunat li kellu jħalli l-logħba minħabba injury ftit tal-minuti wara. Sadanitanat, Sacha Cachia dejjem ghall-Blues tilef ċans tajjeb ta’ skor, meta naqas milli jagħmel kuntatt mill-viċin għal freekick ta’ Goncalves fit-52 minuta.
Sitt minati wara Prince Afriyie ttanta xortih permezz ta’ freekick mil-lemin li ntemm barra. Fis-77 minuta, Talison kellu xutt b’saħħtu minn barra l-kaxxa li għadda jħakkek mal-wieqfa. Seba’ minuti wara, Luke Montebello żmarka lil Ryan Camenzuli fuq ix-xellug iżda l-konklużjoni ta’ dan tal-aħħar ġiet salvata mnn Akpan. Iżda fuq in-naħa l-oħra tal-pitch, Sunday Okereke kkonkluda azzoni tajba permezz ta’ xutt b’saħħtu li ġie mblukkat mis-sostitut Steve Borg fis-86 minuta.
Minuta minn tmiem id-90 minuta Luke Montebello kellu xutt b’saħħtu minn ġol-kaxxa wara li rċeiva l-ballun mingħand Lopes mix-xellug, newtralizzat minn Akpan.
Madankollu, żewġ minuti fil-ħin miżjud Mosta skorjaw il-goal tar-rebħa meta GIANCARLO GONCALVES irnexxielu jegħleb lil Celio permezz ta’ xutt bid-dawra mill-viċin li ntemm fir-rokna ta’ fuq tax-xibka.
L-Ispartans għamlu minn kollox biex iġibu l-iskor indaqs u żewġ minuti wara, Daniel Letherby kien sfortunat li laqat il-mimduda.
Referee: Alex Johnson
Plejer tal-Logħba: Sunday Chisom (Mosta FC)
