Wara li l-ġimgħa li għaddiet keċċew lil Enrico Piccioni, Mosta FC ħabbru li waslu fi ftehim mal-kowċ Mark Miller sabiex imexxi lit-tim sa tmiem l-istaġun. Mark Miller ċgur li m’għandu bżonn tal-ebda introduzzjoni għall-futbol Malti, wara li lagħab u mexxa diversi timijiet, fosthom għal żmien twil lit-tim nazzjonali Malti ta’ taħt il-21 sena kif ukoll lil Hibernians FC. Miller kellu wkoll esperjenzi ma’ Qormi FC.
Il-plejers ta’ Mosta tħarrgu għall-ewwel darba taħt il-gwida ta’ Mark Miller ilbieraħ filgħaxija.
Mosta jkunu fl-azzjoni nhar is-Sibt li ġej kontra Birkirkara FC.
