Żewġt irġiel inżammu arrestati wara li wieġbu mhux ħatja li serqu għaxart elef ewro f’ġugarelli minn maħżen tal-Playmobil.
REKLAM
SKROLLJA BIEX TKOMPLI
Apparti minn hekk huma ġew akkużati li kkawżaw ħsara li tlaħħaq sal-elfejn ewro f’residenza f’San Ġwann, b’akkużat minnhom ġie mixli wkoll li seraq għodda minn binja fiż-Żejtun, u kiser diversi ordnijiet imposti fuqu mill-Qorti.
Is-serqa mill-maħżen tal-Playmobil allegatament seħħet bejn il-Ħamis u l-Ġimgħa ta’ din il-ġimgħa, u l-imputati ġew arrestati nhar is-Sibt li għadda, hekk kif allegatament marru lura fil-maħżen is-Sibt sabiex jisirqu aktar.
