Olandiża ta’ erbgħa u erbgħin sena baqgħet tinżamm arrestata wara li ġiet mixlija tipprova ddaħħal żewġ kilogrammi droga kokaina li l-valur tagħha fit-triq huwa ta’ madwar mitejn u sittin elf ewro.
Fi stqarrija l-pulizija spjegaw li l-Olandiża ġiet arrestata fl-Ajruport Internazzjonali ta’ Malta wara li waslet permezz ta’ titjira minn Brussell.
REKLAM
SKROLLJA BIEX TKOMPLI
Il-Maġistrat Monica Vella kienet infurmata li l-mara ġiet arrestata wara li l-Pulizija tal-Iskwadra ta’ Kontra d-Droga, kellha informazzjoni li passiġġiera li kienet ġejja Malta mill-Belġju, kienet fil-pussess ta’ droga.
Minn tfittxija li saritilha mal-wasla tagħha f’Malta, il-pulizija sabulha s-sustanza suspettata droga f’diversi pakketti.
Din id-droga nstabet imdawwra ma’ qaddha.
Aqra wkoll:
