Mixlija li bagħtu d-droga bil-posta lejn sit ta’ kostruzzjoni

Ahmed Wali Askarza ta’ 34 sena mill-Afganistan u Chariton Papadas, Grieg ta’ 30 sena inżammu arrestati wara li ġew mixlija li impurtaw tliet kilogrammi kannabis bil-posta.

Dan wara li matul il-jum tal-Erbgħa l-Pulizija interċettat il-pakkett bis-sustanza susspettata kannabis fejn huwa mifhum li wasslu l-pakkett f’operazzjoni kkontrallata.

Hawnhekk sabu li l-indirizz fuq il-pakkett kien ta’ sit ta’ kostruzzjoni.

Iż-żewġ irġiel li jaħdmu f’kumpanija tal-Gaming f’Malta ċaħdu l-akkużi miġjuba kontrih, filwaqt li Papadas biss għamel talba għall-ħelsien mill-arrest.