Fosso Toche Joel ta’ 30 sena mill-Kamerun inżamm arrestat wara li tressaq il-Qorti mixli li fit-2 ta’ Frar li għadda kellu fil-pussess tiegħu droga kannabis u pilloli ecstasy li ma kinux għall-użu personali tiegħu, u li ħebb għal tliet uffiċjali tal-Pulizija.
Huwa wieġeb mhux ħati tal-akkużi miġjuba kontrih.
Huwa talab għall-ħelsien mill-arrest iżda l-Prosekuzzjoni mmexxija mill-Ispettur Joseph Xerri oġġezzjonat.
Il-Qorti ppreseduta mill-Maġistrat Joe Mifsud ċaħdet din it-talba u ordna li l-akkużat jinżamm arrestat.
