Mixli li ħaddem barranin bla permess

Christian Borg tressaq il-Qorti quddiem il-Maġistrat Nadine Lia  akkużat li ħaddem barranin f’car wash f’Ħal Luqa illegalment.

Fix-xhieda tagħhom, rappreżentanti ta’ JobsPlus qalu kif f’Diċembru tal-2018, flimkien mal-pulizija, saret spezzjoni f’wieħed mill-garaxxijiet tal-kumpanija Goldcar, li kienet tintuża għall-ħasil tal-karozzi wara telefonata li kienet saret fl-uffiċini ta’ JobsPlus.