Minn għada l-ħinijiet tal-viżitaturi fl-Isptar Mater Dei lura għan-normal

B’seħħ mit-23 ta’ Mejju, il-ħinijiet tal-viżitaturi għall-pazjenti fl-Isptar Mater Dei se jirritornaw lura għan-normal.

Dan hekk kif il-ħinijiet, mit-Tnejn sal-Ħadd se jkunu mill-11:30am sas-1:00pm u mit-3:00pm sat-8:00pm.

Pazjent jista’ jkollu persuna waħda maġenbu f’kull vista li ssirlu. Dan japplika wkoll għal persuni fl-Emerġenza u l-Outpatients.

Intant l-ilbies tal-maskri fl-isptar se jibqa’ mandatorju sabiex jiġu protetti l-vulnerabbli li ta’ kuljum iżidu l-isptar Mater Dei.