Mistenni jqum riħ qawwi ħafna – jitħassru l-vjaġġi tal-Fast Ferry u l-attivitajiet tal-Epifanija

Il-bassara tat-temp, fosthom dawk mill-Uffiċċju Metereoloġiku tal-Ajruport Internazzjonali ta’ Malta, qed juru li fi tmiem din il-ġimgħa t-temp mistenni jkun ikkaraterizzat b’riħ qawwi li jlaħħaq il-forza 8 jew riefnu.

It-temp għal għada s-Sibt se jkun bir-riħ u ħalbiet tax-xita bir-ragħad, il-Ħadd ħalbiet tax-xita bir-riħ, filwaqt li għall-kumplament tal-ġimgħa t-temp se jibqa’ instabbli bit-temperatura se tinżel għal 10 gradi Celsius.

Kawża tar-riħ tħassru l-vjaġġi tal-fast ferry u xi attivitajiet b’rabta mal-Miġja tal-Maġi, l-Epifanija.