Missier żagħżugħ franka li jqatta’ erba’ ġimgħat ġewwa Kordin, dan wara li ħallas il-manteniment lil bintu.
Oriġinarjament Melvin Debono ta’ ħamsa u għoxrin sena weħel erba’ ġimgħat ħabs wara li nstab ħati li f’Jannar u Diċembru tas-sena l-oħra ma ħallas ħames mitt ewro f’manteniment għal bintu.
Fi stadju tal-appell, il-Qorti kkunsidrat li l-missier laħaq ħallas il-manteniment u għalhekk illiberatu bil-kundizzjoni li ma jerġax ixellef difru mal-ġustizzja fi żmien sena.
