WORLD EXCLUSIVE: ‘Daddy, I have a new boyfriend’ – Thomas Markle talks about his daughter’s romance with Prince Harry #GMB pic.twitter.com/rzASEpEsKf
— Good Morning Britain (@GMB) June 18, 2018
Tkellem għall-ewwel darba wara t-tieġ irjali, missier Meghan Markle f’intervista li kellu ma’ Good Morning Britain.
Fl-intervista, Thomas spjega kif hu qatta’ l-ħin tiegħu waqt li kien għaddej it-tieġ f’sodda fi sptar f’Kalifornja jsegwi minn fuq televixin.
Sostna li bintu bkiet meta qalilha mhux se jkun jista’ jakkumpanjaha u jwassalha sal-artal dakinhar tal-tieġ hekk kif se jkollu jgħaddi minn intervent tal-qalb.
Missierha, li għandu 73 sena, kif kem Harry u kif ukoll Meghan kienu ddiżappuntati li ma setax jattendi iżda fl-istess waqt fehmu u qalulu biex jieħu ħsieb saħtu.
Sostna li minkejja li kellu xewqa kbira biex iwassal lil bintu sal-artal, kien onorat li kien il-Prinċep Charles li wassal lil bintu minfloku.
Waqt l-intervista, Thomas spjega kif hu beka malli ra lil bintu miexja lejn l-artal fejn qal li kien kburi biha.
Rigward Harry, hu qal li hu raġel sew u li l-unika ħaġa li ma qablux dwarha kienet dwar il-President tal-Amerika Donald Trump fejn Harry qallu biex jagħtih ċans filwaqt li Thomas ma qabilx miegħu.
Meta mistoqsi dwar il-konverżazzjoni li kellu ma’ Harry b’rabta ma’ Brexit sostna li ma kinitx waħda ddettaljata u li Harry probabbli interessat biex jara fejn se jwassal dan l-esperiment.
