Jitlef ħajtu Trevor Mercieca. Missier ta’ 34 sena minn Ħal Għaxaq, li kien qed jiġġieled il-lukimja. Aħbar ta’ dieqa kbira, li tkompli tikkonferma r-relevanza tal-maratona li qiegħda ssir bħalissa sabiex jiġabru fondi għal Puttinu.
Riċentement kien sar trapjant lill-Trevor, iżda minkejja dan, is-sena l-oħra l-marda laħqet l-aggressività tagħha tant li l-kura ma kinitx qed taħdem.
Fl-aħħar xhur ta’ ħajtu Trevor kiber fl-ispiritwalità tiegħu, tant li ħoloq app bl-isem ‘Pax Christi’, b’kollezzjoni ta’ talb. Grazzi għall-app li ħoloq Trevor, wieħed jista’ u jaqra t-talb bil-Malti, bl-Ingliż u bit-Taljan.
It-talb jew ħsieb fi Trevor bħalissa jinħass qawwi, bis-sens ta’ dieqa tkun komunikata wkoll fuq Facebook.
