Diversi ġimgħat ta’ osservazzjoni, minn membri tal-iskwadra ta’ Kontra d-Droga, dal-lejl, tat il-frott hekk kif instabu moħbija madwar 2.5Kgs sustanza, allegatament pjanta tal-kannabis.
It-tfittxija ġewwa pajjizna bdiet hekk kif il-vettura li fiha nġarret u nstabet id-droga, niżlet minn fuq il-catamaran, li kien għadu kif wasal minn Sqallija. Tliet persuni ta’ nazzjonalita Taljana, żewġt irġiel u mara, li l-eta’ tagħhom tvarja bejn il-25 u 39 sena qed jiġu miżmuma sabiex jgħinu fl-investigazzjonijiet li għadhom għaddejjin.
Dawn it-tliet persuni mistennija jitressqu l-Qorti għada, akkużati b’importazzjoni u pusses aggravat.
Is-sezzjoni tal-klieb tal-Pulizija assistiet fit-tfittxijiet li saru fil-vettura.
Taqsima Relazzjonijiet mal-Komunità u l-Istampa,
Il-Korp tal-Pulizija ta’ Malta.
