Il-mudella Jade Cini għamlet donazzjoni ta’ 500kg ikel lill-Assoċjazzjoni tal-annimali abbandunati. Jade Cini hija r-rappreżentanta Maltija għal Miss Universe li jmiss wara li rebħet il-konkors lokali.
Flimkien ma’ Jade, ingħaqdu l-protagonisti u l-parteċipanti kollha ta’ Miss Universe Malta li flimkien ġabru s-somma sabiħa ta’ €1,500 fi flus u ikel li wkoll ġew mgħotija lill-istess assoċjazzjoni. Dan huwa ġest ta’ min ifaħħru li minn konkors tas-sbuħija ħasbu fl-annimali abbandunati.
Is-santwarju tal-annimali abbandunati kontinwament ikollu bżonn l-għajnuna. Miss Universe Malta, Jade Cini flimkien ma’ Alexia Azzopardi (Mellieħa), mudella oħra minn dan il-konkors li ġabret l-akbar ammont ta’ donazzjonijiet, flimkien mal-produzzjoni ta’ dan il-konkors u l-parteċipanti kollha qed iħeġġu lill-poplu Malti u Għawdxi sabiex inkunu ġenerużi f’donazzjonijiet għal dawn l-annimali abbandunati.
Għaldaqstant, tista’ tagħti donazzjoni permezz ta’ Paypal fuq: info@aaamalta.com jew billi tibgħat sms fuq: 50617350 (€2.33) 50618060 (€4.66) 50618910 (€6.99) 50619200 (€11.66) jew permezz ta’ BOV Mobile: 79730921
