L-aġent internazzjonali tal-futbol, Mino Raiola li għandu f’idejh plejers bħal Paul Pogba, Zlatan Ibrahimovic, Erling Haaland u Gianluigi Donnarumma qal li huwa interessat li jakkwista plejer internazzjonali Maltija tal-futbol tan-nisa.
Dan intqal mill-aġent internazzjonali rinomat waqt konferenza tal-aħbarijiet hekk kif huwa jinsab f’pajjiżna, minħabba li Raiola għandu kumpanija f’Malta.
Waqt li kien qed jieħu l-mistoqsijiet tal-ġurnalisti, Mino Raiola qal li xi darba jaspira li jkun hawn plejer Malti li jkun tal-ogħla livell tal-futbol u huwa jkun l-aġent tiegħu.
Mino Raiola qal li l-futbol lokali jista’ jitjieb ‘il quddiem u semma kif huwa kellu laqgħa flimkien mas-Segretarju Parlamentari responsabbli mill-Isport Clifton Grima, li qal kif hemm l-għan li l-futbol lokali jkompli jikber.
Raiola stqarr, “Can pull and trigger the rest of society, than there is an interesting thing. This is one of the things that as a company, we are looking at and I met the Minister of Sport and we had a very interesting meeting and that I think that this is the basis to do something in the future and I think that football around the world, needs to be developed and in Malta for sure. It seems that I have a company in Malta, I am interested in Malta, I would love to be part of it.”
Raiola semma kif l-infrastruttura tal-futbol f’Malta hija akbar minn dak li stenna.
Meta mistoqsi għaliex huwa fetaħ kumpanija f’Malta, qal kif f’Malta l-affarijiet huma serji.
Hu spjega, “Because I thought that it was interesting playing grounds from sporting thing wise of things and also from legislation went good. Here in Malta is a European country and it is interesting for me. I did it in a more transparent way than possible, because I am the director, the owner, the beneficial owner, etc. and this is declared.”
Mino Raiola qal li xogħlu u xogħol il-kumpanija tiegħu hija li tassisti l-plejers tal-futbol internazzjonali.
Raiola qal li huwa qed iżur pajjiżna, minħabba l-kumpanija iżda qal kif waqt il-pandemija kien imsakkar minħabba l-lockdown u qal kif huwa jinsab hawn minħabba li pajjiżna kien l-ewwel pajjiż fl-Ewropa li laħaq l-immunità għall-virus tal-Covid-19. Qal li huwa jiġi diversi drabi lejn Malta, iżda qal li jżomm profil baxx.
Dwar l-aħħar allegazzjonijiet fil-konfront tiegħu, Mino Raiola qal li huwa sew jitkellem mal-avukati tiegħu sabiex jieħu l-passi fil-konfront tagħhom u qal li huwa inaċċettabli li jsiru dawn l-invenzjonijiet.
