Għaddiet sena mindu Roseanne Pace, żagħżugħa ta’ tlieta u għoxrin sena, wegħdet l-imħabba waħdanija tagħha lil Alla.
Dan meta saret parti minn familja ta’ sorijiet tal-Ursolini f’Tas-Sliema.
F’dan l-anniversarju tant speċjali għaliha, xtaqet twassal messaġġ ta’ tama – is-sisien ta’ dak li tant temmen fih.
Ma’ ONE News spjegat xi jfisser li tkun soru żagħżugħa fl-elfejn u sbatax, u ġabret fi ftit kliem dak li esperjenzat matul l-aħħar sena.
