Mil-lum wieħed jista’ jixtri l-biljetti għall-festival tal-mużika TOMORROWLAND. Illum jistgħu jixtru l-biljetti dawk li rreġġistraw iżda minn għada fis-14.00 il-bejgħ se jkun miftuħ għal kulħadd fuq is-sit showshappening.com
Dan il-festival ta’ mużika se jsir fit-29 ta’ Lulju u DJs internazzjonali se jkunu qed idoqqu fuq palk ta’ 35 metru fil-Marsa Sports Ground bejn 14.00 u 2.00.
Malta se tkun waħda minn tmien pajjiżi li se jingħaqdu mal-festival enormi, Tomorrowland, li jsir fil-Belġju.
Eluf ta’ turisti mistennija jżuru pajjizna għal dan l-avveniment filwaqt li żgħażagħ Maltin ukoll se jkunu qed joħonqu l-post fejn se jsir il-kunċert li hu tal-kobor tal-Isle of MTV.
Unite With Tomorrowland se jsir fil-Ġermanja, Spanja, Lebanon, Taian, il-Korea ta’ Isfel u Iżrael.
