L-Air Malta ħabret skont promozzjonali fuq perjodu limitat għat-titjiriet kollha li jibdew minn €35 għal vjaġġ one-way, inklużi t-taxxi u t-tariffi għat-titjiriet li jitilqu minn Malta. Qiegħed jingħata
skont fuq 18-il destinazzjoni għall-ivjaġġar bejn l-1 ta’ Ottubru 2016 u s-26 ta’ Marzu 2017.
Is-sale ser ikun miftuħ għal 72 siegħa biss li jibda minn nhar l-Erbgħa, 24 ta’ Awwissu fid-9:00am u jintemm nhar is-Sibt, 27 ta’ Awwissu fit-8:59am. Il-biljetti jistgħu jinxtraw mis-sit tal-linja tal-ajru www.airmalta.com, miċ-ċentru ta’ kuntatt fuq +356 21662211 u mill-uffiċċju tal-bejgħ tal-linja tal-ajru li jinsab fl-Ajruport Internazzjonali ta’ Malta.
Il-vjaġġi li fuqhom se jkollhom skont promozzjonali huma Amsterdam, Berlin, Brussell, Katanja, Dusseldorf, Frankfurt, Londra (Heathrow u Gatwick), Manchester, Marsilja, Milan, Moska, Munich,
Pariġi, Ruma, Palermo, Vjenna u Zurich.
Għal aktar informazzjoni żur www.airmalta.com.
