F’dan ir-raba’ staġun ta’ The Local Traveller Clare tkompli tesplora l-gżejjer sbieħ tagħna kemm fuq l-art kif ukoll il-kosti u l-ibħra tagħna. Is-suċċess ta’ dan il-programm huwa l-passjoni li għandha Clare biex taqsam mas-segwaċi l-essenza u l-karatteristiċi lokali li jinsabu fl-irħula u l-bliet tagħna, bl-istejjer, l-istorja, l-kultura u n-nies kollha tagħhom. Dan kollhu jespandi għal avventuri li Clare ħafna drabi twettaq kemm taħt l-ilma, hekk kif aktar siti jibqgħu l-qofol ta’ gżiritna, iżda wkoll il-kosta sabiħa u l-għerien tagħhom li huma aċċessati biss mill-baħar.
Tabilħaqq, dawn l-avventuri ħafna drabi jsiru ma’ nies li jaħsbuha l-istess li mhux biss iħobbu jesploraw il-ġmiel naturali ta’ pajjiżna iżda huma impenjati li jikkonservawhom u jistudjawhom biex ikunu jistgħu jaqsmu l-għarfien tagħhom u jqajmu kuxjenza dwar il-ġmiel naturali tagħna.
Is-sabiħ ta’ The Local Traveller hu li l-ebda programm wieħed mhu l-istess. F’dan ir-raba’ staġun nistgħu naraw lil Clare forsi tkun qed timxi madwar raħal, tagħmel avventura, żżur sit storiku, tiltaqa’ man-nies tal-lokal li jġibu t-tradizzjonijiet u d-drawwiet tagħhom lis-segwaċi.
Minn din is-sena l-episodji kollha, li fil-biċċa l-kbira jitwasslu bil-Malti, se jkollhom sottotitli bl-Ingliż biex jagħmluhom aktar aċċessibbli. Dan qed issir permezz tal-appoġġ li din il-produzzjoni sabet mill-Ministeru għall-Inklużjoni.
