“Minkejja il-mijiet ta’ għasafar tal-priża u l-mijiet ta’ kaċċaturi, ma smajniex tir wieħed.” Qal dan il-Kumitat kontra l-qtil tal-għasafar, CABS. F’messaġġ fuq il-paġna ta’ Facebook, Cabs spjegat kif il-mijiet ta’ għasafar qattgħu l-ewwel lejl tagħhom fil-Ġonna tal-Buskett. Fost il-500 kuċċarda u 100 Bagħadan Aħmar, intlemħu wkoll Bagħadan Griż, Spanjulett Sekond, Bies u anke Arpa.
Il-CABS spjega kif it-tim segwa l-għasafar mill-qrib u kif minkejja kien hemm mijiet ta’ kaċċaturi fiż-żona, ma semgħu ebda tir hekk kif l-għasafar bdew itiru fid-direzzjoni tal-Afrika.
