Min bir-rota u min bil-mutur għall-pellegrinaġġ ta’ Ħaż-Żabbar

Matul in-nofs ta’ nhar tal-Ħadd filgħodu jispikka l-pellegrinaġġ li jsir kull sena fl-okkażjoni tal-festa tal-Madonna tal-Grazzja f’Ħaż-Żabbar.

Illum hija propju l-65 edizzjoni ta’ dan il-pellegrinaġġ li għalih jattendu bi ħġarhom bosta Maltin u Għawdxin. Hemm min inaddaf ir-rota mit-trab darba f’sena propju għal din l-okkażjoni filwaqt li oħrajn jippreparaw għal din il-ġurnata fil-jiem ta’ qabel il-festa. Jispikka l-entużjażmu fuq wiċċ il-parteċipanti li jiddeċiedu li jiġġieldu s-sħana u jżommu din it-tradizzjoni ħajja.