Mill-Parlament jgħaddu mit-tieni qari l-emendi biex jiġi introdott il-kunċett tal-femiċidju

Illejla fil-Parlament għaddew mill-istadju tat-tieni qari, l-emendi fil-kodiċi kriminali.

Fost l-oħrajn, bl-emendi fil-kodiċi kriminali se jiġi introdott il-kunċett tal-femiċidju.

Il-femiċidju issa se jkun ikkunsidrat bħala offiża separata, fejn se jwassal biex f’każ ta’ femiċidju l-pieni se jkunu eħrex.

Il-liġi għaddiet b’mod unanimu wara li tressqet mill-Ministru għall-Ġustizzja Edward Zammit Lewis.

Issa jmiss li l-liġi tgħaddi minn stadju ta’ Kumitat qabel tgħaddi mill-aħħar u t-tielet qari.

B’hekk imbagħad l-emendi jidħlu fis-seħħ.