L-Iżrael evakwat mijiet ta’ membri tal-grupp ċivili tad-difiża magħruf bħala l-‘White Helmets’ minn żona ta’ gwerra fin-nofsinhar tas-Sirja.
Dan minħabba theddid immedjat fuq il-ħajja taghħom u tal-familja.
Il-Forza tad-Difiża Iżrealjana fuq twitter qalet li din l-evakwazzjoni saret fuq talba tal-Istati Uniti u ta’ ċertu pajjiżi Ewropej.
Intant, il-group White Helmets kien iffurmat fl-elfejn u tlettax bil-għan li jgħin ċittadini li jkunu maqbuda f’żoni ta’ gwerra, u jingħad li l-volontiera salvaw il-ħajja ta’ aktar minn mitt elf ruħ.
