Miexi ġmielu x-xogħol ta’ twaqqigħ taċ-ċumnija tal-Power Station ta’ Delimara. Ċumnija li kellha għoli ta’ madwar ħamsa u ħamsin metru, u li mhux darba jew tnejn rajna daħniet suwed ħerġin minnha.
Bħala parti mill-immodernizzar tal-ġenerazzjoni tal-elettriku f’pajjiżna, din qed tiżżarma, u n-nies f’Marsaxlokk jidher li huma sodisfatti ferm.
Kienu ħafna dawk li minn jeddhom qalulna kemm il-ħajja nbidlet mhux biss għal Marsaxlokk iżda għal numru ta’ rħula oħra tal-madwar.
