L-attur Amerikan Mark Salling, magħruf l-aktar għall-irwol tiegħu fis-serje televiżiva Glee, instab mejjet ħdejn daru f’Los Angeles.
Michael J Proctor, l-avukat ta’ Salling, ikkonferma l-mewt tal-attur ta’ 35 sena, li f’Marzu li ġej kien mistenni jingħata sentenza ta’ madwar 4 u 7 snin ħabs wara li wieġeb ħati għall-akkuża li kellu fil-pussess tiegħu pornografija tat-tfal.
Huwa kkonferma li Salling ħalla din id-dinja kmieni t-Tlieta filgħodu, u ddeskrivieh bħala bniedem kreattiv li kien jaf iħobb.
Rapporti fil-midja Amerikana rrappurtaw li x’aktarx, l-attur neħħa ħajtu b’idejh.
Salling kellu l-irwol prinċipali ta’ Noah “Puck” Puckerman fis-serje televiżiva Glee mill-2009 sal-2015.
