Ilbieraħ il-midja soċjali splodiet b’ritratti tal-applikazzjoni tal-Microsoft, Paint, dan wara li l-kumpanija Microsoft qalet li kienet qed tikkunsidra li tneħħi din l-applikazzjoni fl-aġġornament tal-Windows 10 li se jkun qed joħroġ aktar tard din is-sena.
Iżda wara li Microsoft rat ir-reazzjoni tan-nies minn madwar id-dinja fi stqarrija qalet li mhux se tkun qed tneħħi din l-applikazzjoni. Din l-applikazzjoni ġiet maħluqa 32 sena ilu. Minkejja li Windows mhux se tkun qed tneħħi din l-applikazzjoni għal kollox, wieħed se jkun jista’ jinstalla mill-Windows Store mingħajr ħlas.
Il-manager ta’ Microsoft qal “Rajna sapport inkredibbli għal MS Paint. Jekk hemm xi ħaġa li tgħallimna minn dan, hu li wara 32 sena din l-applikazzjoni għadha għal qalb dawk li jużawha,” u għalhekk Microsoft waslet għal din id-deċiżjoni.
Paint ġiet introdotta f’Novembru 1985.
