Miċħuda rapporti dwar mewt ta’ tifel ta’ 11-il sena 

Il-Pulizija ċaħdet li nqatel tifel ta’ 11-il sena fil-park tas-Salina kif ġie allegat fuq is-sit soċjali Facebook. 

F’post fuq Facebook ġie allegat li tifel ta’ 11-il sena miet wara li ġie mbuttat minn uffiċjal tas-sigurtà fil-Park tas-Salina. 

Kelliem għall-Pulizija warrab din ix-xniegħa u qal li fl-Isptar Mater Dei ma daħal l-ebda tifel li ġie aggredit jew li saħansitra tilef ħajtu. 

Il-persuna li tellgħet l-allegazzjoni fuq Facebook, neħħiet il-profil tagħha.