Il-Kumpanija Wasteserv fi stqarrija ċaħdet l-allegazzjoni li għamlet il-ġurnalista tal-midja Nazzjonalista waqt il-konferenza tal-Professur Charmaine Gauci dwar il-COVID-19, li l-ħaddiema ta’ din il-kumpanija f’Tal-Kus Għawdex mhux qed ikunu provduti b’ilbies u apparat protettiv.
Il-Wasteserve qalet li l-kumpanija provdiet lil kull ħaddiem b’maskli tal-wiċċ (FFP3), ingwanti u nuċċalijiet protettivi, kif ukoll ilbies protettiv (Hi-visibility).
Ilbies personali protettiv ieħor, bħal ‘cover-alls’ protettivi, maskli li jgħattu l-wiċċ u apparat li jipproteġi s-smigħ, jintlibes abbażi tax-xogħlijiet li jkunu qed isiru skont il-miżuri determinati minn risk assessment.
Saħansitra dalgħodu, il-Kap tat-Taqsima tas-Saħħa u s-Sigurtà kien f’tal-Kus ġewwa Għawdex fuq spezzjoni ta’ rutina u għalhekk seta’ jikkonferma li hemm l-ilbies protettiv kollu msemmi hawn fuq u li dan qed jiġi provdut lill-ħaddiema kollha skont ir-risk assessments.
