Is-Sinjura Michelle Muscat nediet edizzjoni oħra tal-maratona tal-volleyball bl-għan li jinġabru fondi biex jassistu r-residenti. Fiż-żmien li ġej ser tkun qed tinfetaħ residenza oħra fil-Balluta wara li aktar kmieni din is-sena nfetħet residenza fiż-Żurrieq.
Din il-maratona ser tibda l-Ġimgħa l-1 ta’ Lulju fid-dar tal-Providenza u ser tkun imqassma fuq tlett ijiem.
Michelle Muscat bdiet iż-żjara tagħha fid-Dar tal-Providenza billi ltaqat mar-residenti u wara żaret il-post, fosthom il-pixxina terapewtika u s-sala l-ġdida.
Hija kienet milqugħa bid-diska Marigold għall-fondazzjoni Marigold li hija c-Chairperson tagħha.
Il-pixxina terapewtika ser tkun qed tintuża sabiex tgħin lir-residenti fit-terapija tagħhom.
