Michela Galea ta’ 18-il sena ġiet inkurunata bħala Miss World Malta. Il-mudella Maltija, m’hijiex wiċċ ġdid hekk kif hija ħadet sehem f’bosta festivals lokali u hija ukoll attriċi.
Fi Pjazza Teatru Rjal, kienu 27, il-kontestanti li saħħru lil dawk preżenti bis-sbuħija tagħhom u li kellhom ilbies mill-isbaħ. Iżda kienet Michela li ġibdet l-għajn u li ntgħażlet biex din is-sena tirrappreżenta lil pajjiżna fil-finali tal-Miss World fiċ-Ċina.
Finali li fiha l-mudelli mhux biss jiġu aġġudikati fuq is-sbuħija iżda ukoll fuq it-talent. Fil-fatt is-sena li għaddiet kienet il-mudella Anthea Zammit li kienet saħħret bit-talent taż-żfin tagħha, iżda din is-sena l-mudella Maltija mistennija timpressjona bit-talent mużikali tagħha.
