Il-Prim Ministru Joseph Muscat u l-Ministru responsabbli mill-Kultura Owen Bonnici ltaqgħu mal-kantanta Michela Pace fil-Berġa ta’ Kastilja.
Fl-età ta’ 18-il sena, Michela Pace rebħet l-ewwel edizzjoni ta’ XFactor Malta u b’hekk qatgħet il-passaġġ biex tkun hi li tirrappreżenta lil Malta fil-Eurovision Song Contest li se jsir f’Mejju li ġej f’Tel Aviv.
Waqt li feraħ lil Michela għas-suċċess li kisbet, Dr Muscat qal li l-kantanta għandha triq għat-telgħa iżda sostna li jinsab konvint li se tkun qed tagħmel l-almu tagħha f’dan il-festival prestiġġjuż.