Mhux se tittollera iktar dewmien fil-każ ta’ Patrick Spiteri

Fl-ewwel seduta wara lil-każ ġie assenjat lilha, wara li l-Maġistrat Antonio Micallef Trigona irtira, l-Maġistrat Audrey Demicoli osservat li ma tistax iżżomm iktar il-każ.

L-ex-avukat  li għadu qed jinżamm fil-Faċilità Korrettiva ta’ Kordin, għamel diversi talbiet għall-ħelsien mill-arrest, u argumenta li l-kundizzjonijiet tal-ħabs huma detrimentali fuq il-kundizzjoni medika tiegħu, hekk kif s-sintomi qalbu għall-agħar.

Huwa qed jgħid ukoll li ma jistax fiżikament jaċċessa iktar minn 400 dokument, li huma essenzjali għall-preparazzjoni tad-difiża tiegħu. F’seduti preċedenti quddiem maġistrati oħra, l-avukat difensur spjega kif partijiet minn dawn id-dokumenti essenzjali huma miżmumha l-Qorti filwaqt li l-oħrajn huma fil-propjetà tal-akkużat fi Gwadamangia li ġiet meħudha mill-HSBC.

Il-Qorti rrifjutat li tieħu dawn id-dokumenti peress li jirrikjedu ħafna spazju sabiex jinżammu.

Wara li semgħet dan il-Qorti qalet li huwa responsabbilità tad-difiża li ssib soluzzjoni għal dan u li ma tistax ssibilu hi.

L-avukat difensur qal li l-fatt li l-awtoritajiet tal-ħabs irrifjutaw li jżommu dawn id-dokumenti jew parti minnhom minħabba nuqqas ta’ spazju ibiddel id-detenzjoni tal-klient tiegħu f’arrest illegali.

Il-Maġistrat Demicoli ordnat lill-prosekuzzjoni sabiex tħarrek lir-rapreżentanti tal-Faċilità Korettiva ta’ Kordin għas-seduta li jmiss li se tinżamm fl-20 ta’ Ottubru sabiex tiprova tinstab soluzzjoni.