L-istilla Arġentin Lionel Messi, li għadu kemm ingħaqad mat-tim Franċiż ta’ Paris Saint-Germain ser ikun qed jingħata pakkett ta’ merbħa.
Dan il-pakkett li ngħata Lionel Messi se jkun ta madwar €30 miljun fi cryptocurrency.
Dan il-pakkett li ġej mill-cryptocurrency huwa ta’ kumpanija li hija bbażata f’pajjiżna.
Mal-midja internazzjonali, il-Kap Eżekuttiv ta’ Socios.com, Alexandre Dreyfus qal li dan huwa l-futur, anke f’livell ta’ futbol internazzjonali.
Intant dwar dan, il-Ministru għall-Ekonomija Silvio Schembri qal li huwa jieħu pjaċir li jara kumpanija Maltija, li taħdem fis-settur tal-blockchain, tagħmel isem.
